Версия для печати
Размер шрифта:
Фото
Печатать

Савіных: мы сутыкнуліся з беспрэцэдэнтнай кампаніяй дэзынфармацыі супраць Беларусі з боку ЕС

02.11.2024
Савіных: мы сутыкнуліся з беспрэцэдэнтнай кампаніяй дэзынфармацыі супраць Беларусі з боку ЕС
 Беларусь цяпер сутыкнулася з беспрэцэдэнтнай па сваіх маштабах кампаніяй па дэзынфармацыі з боку ЕС. Такое меркаванне сёння падчас выязнога пасяджэння Пастаяннай камісіі па міжнародных справах Палаты прадстаўнікоў выказаў яе старшыня Андрэй Савіных, перадае карэспандэнт БЕЛТА.

Андрэй Савіных адзначыў, што прынятая на асамблеі Савета Еўропы рэзалюцыя стала чарговай спробай перакласці адказнасць за арганізацыю міграцыйнага крызісу на Беларусь. "Фактычна мы сутыкнуліся з беспрэцэдэнтнай па сваіх маштабах кампаніяй дэзынфармацыі супраць Рэспублікі Беларусь. Без якой-небудзь сарамлівасці і аглядкі на разважлівасць выкарыстоўваюцца любыя метады", - падкрэсліў ён.

Між тым, паводле слоў старшыні Пастаяннай камісіі, іншыя структуры ЕС робяць зусім іншыя вывады. Але робяць гэта не публічна, у рабочым парадку. "Камісар Савета Еўропы Дуня Міятавіч асудзіла ўрады Польшчы і Літвы і запатрабавала забяспечыць нармальнае абыходжанне з мігрантамі, спыніць насілле. Еўрапейскі суд па правах чалавека наогул выдаў прадпісанне выконваць асноўныя прынятыя ў ЕС стандарты ў адносінах да мігрантаў, якія затрымліваюцца на польскай і літоўскай граніцах. Аналагічныя патрабаванні агучваюць Упраўленне вярхоўнага камісара ААН па справах бежанцаў і кіраўніцтва міжнароднай арганізацыі па міграцыі. Але гэтыя пазіцыі замоўчваюцца", - звярнуў увагу Андрэй Савіных. Таму прадаўжаюцца спробы перакласці адказнасць за сітуацыю менавіта на Беларусь. 

"Гэта супярэчыць прававой ацэнцы сітуацыі, канфліктуе з міжнароднымі абавязацельствамі. Гучныя заявы робяцца для таго, каб адцягнуць увагу ад таго, што ўрады Польшчы і Літвы не выконваюць свае абавязацельствы і дэманструюць непрымальнае, жорсткае стаўленне да людзей. Туман дэзынфармацыі рана ці позна рассеецца і мы ўсе даведаемся пра праўду", - адзначыў Андрэй Савіных. Ён падкрэсліў, што ў гэтай сітуацыі беларускім парламентарыям неабходна дзейнічаць строга ў прававым рэчышчы.

Дарэчы, дэталёваму разбору ўсіх пытанняў, звязаных з сітуацыяй на граніцы, і прысвечана сённяшняе выязное пасяджэнне. Сярод тэм, якія абмяркоўваюцца, - прававы рэжым становішча мігрантаў, а таксама міжнародныя дагаворы, раней падпісаныя з ЕС, у тым ліку рэадмісіі мігрантаў.

Выязное пасяджэнне прайшло ў пункце пропуску "Брузгі" на беларуска-польскай граніцы. Парламентарыі азнаёміліся з інфраструктурай пункта пропуску, работай электроннай чаргі, дзейнасцю транспартна-лагістычнага цэнтра, а таксама наведалі адну з пагранічных застаў.-0-


БЕЛТА - Навiны Беларусi

© Астравецкі раённы выканаўчы камітэт, 2024.