Лісковіч: сістэма адукацыі павінна працаваць празрыста

Сістэма адукацыі павінна быць выбудавана так, каб выхаваць дастойнага грамадзяніна, патрыёта, разумнага чалавека, які выбера сабе прафесію даспадобы і будзе прыносіць карысць грамадству. Такім меркаваннем перад педагагічным форумам у Гродне падзяліўся з журналістамі старшыня Пастаяннай камісіі Савета Рэспублікі па адукацыі, навуцы, культуры і сацыяльным развіцці Віктар Лісковіч, перадае карэспандэнт БЕЛТА.

"Прэзідэнт краіны на нядаўняй нарадзе сказаў, што сістэма адукацыі - гэта тая галіна, якая не абыходзіць ніводную сям'ю. Гэта сапраўды так. Сістэма адукацыі дае нам той базавы ўзровень, які дазваляе кожнаму чалавеку раскрыцца і быць карысным грамадству. Сістэма адукацыі павінна працаваць празрыста. Умовы, якія потым даюць магчымасць атрымліваць пэўную прафесію, павінны быць абсалютна зразумелымі як педагогам, так і выпускнікам і іх бацькам. Гэта патрабаванне кіраўніка дзяржавы. Зыходзячы з яго, мы павінны выбудоўваць усю работу сістэмы адукацыі такім чынам, каб выхаваць дастойнага грамадзяніна, патрыёта, разумнага чалавека, які выбера сабе прафесію даспадобы і будзе прыносіць карысць грамадству", - сказаў Віктар Лісковіч.

Ён адзначыў, што для дасягнення гэтай мэты ёсць усе перадумовы. "У нас цудоўная матэрыяльна-тэхнічная база ў школах, вышэйшых і сярэдніх навучальных установах, у нас цудоўныя педагогі. Вельмі важна, каб педагогі бачылі перад сабой не толькі вучняў, але і іх бацькоў. Бо гэта, як правіла, таксама маладыя людзі. Таму ў залежнасці ад таго, як сёння педагог будзе выконваць сваю выхаваўчую функцыю для маладога пакалення, шмат у чым залежыць наша будучыня", - адзначыў Віктар Лісковіч.

Старшыня Пастаяннай камісіі таксама дадаў, што сёння школы маюць у распараджэнні выдатную спартыўную базу, якая павінна быць запатрабавана і адкрыта для жыхароў мікрараёнаў, у якіх знаходзяцца школы. Ён падкрэсліў, што ўсё гэта разам у рэшце рэшт дасць той вынік, на які абапіраецца сістэма адукацыі: выхаваць грамадзяніна, патрыёта, разумнага чалавека для нашай краіны.-0-

БЕЛТА - Навiны Беларусi